Aizawl: Pathianni khan Adviser to Chief Minister (Political) Lalmuanpuia Punte hovin Advocacy Group chu Chin National Defence Force (CNDF) leh Hualngo People Organisation (HPO) inkahna ngaihvenin Zokhawthar an tlawh.
Advocacy Group chuan Zohnahthlak unau mangang thlabara awmte thlamuan tur leh an dinhmun dik tak a hmuna zir chiang turin an kal a. CNDF lam hotute pawh kawmin unau leh unau inkara hetiang thil thleng hi Advocacy Group chuan pawi an tih thu an sawi a. Unau inkara ser nung awm reng tawh tur nunau pawi sawi lo lakah eng thil pawi mah ti lo turin an chah bawk.
Zohnahthlak sipai pawl pahnih inkahna thlengah hian silai keng tute pawh an inrem vat theih nan Advocacy Group chuan theihtawp chhuah a hmalak zel an tum tih an sawi.
Advocacy Group hi Champhai DC, Champhai SP leh SDO bakah Village Council leh YMA ten lo dawngsawngin, inkawmna hun neih a ni bawk.