Spice Girls star, kum 50 mi Mel B chuan July ni 5 khan London-a The Crypt of St. Paul’s Cathedral-ah hairstylist Rory McPhee chu pasal atan a nei.
Inneih inkhawm urhsun taka hman zawh a nih hnuin UK a building sang ber The Shard chhunga Shangri-La Hotel-ah lawmna neih zui niin, milar rual kal an thahnem hle.
Mel B hian fanu pathum nei tawhin, a upa ber Phoenix,26 chu a pasal hmasa ber Jimmy Gulzar nen an fa a ni a, anni pahnih hi kum 1998 atanga 2000 thleng khan an innei.
A fanu milai Angel Iris,18 chu a bialpa hlui Eddie Murphy nena an fa niin, a naupang ber Madison,13 chu a pasal hlui ni leh ta Stephen Belafonte nen an fa a ni a, anni hi 2007 atanga 2017 thleng khan an innei bawk. Heng an fate hi thuneihna inang hmangin an pate theuh nen hian a enkawl vek hlawm a ni.
America’s Got Talent : Fantasy League judge ni mek Mel B chuan a pasal nita kum 37 mi McPhee nena an inneihna tura St. Paul’s Cathedral kher a thlanna chhan chu he hmun hi Princess Diana leh Prince Charles te’n kum 1981 July thlaa an lo inneih tawhna in a nih avanga a ngaih hlut em vang a nih thu a sawi.