Arsenal leh Japanese defender Takehiro Tomiyasu te chu an inbiak rem hnuah an inthathen.
Kum 2021 khan Arsenal chuan Tomiyasu hi Bologna atangin £ maktaduai 19.8-in an lei a, a inhliam ngun avangin duh angin a inkhel tam thei lo a, heti chung hian club tantute chuan an duh em em tho a ni.
Season hman zawh takah khan Tomiyasu hian minute ruk chauh football a khel ve hman a, February thlaah khan a khup an zai leh bawk a ni.
Tomiyasu hi thla nga vel tal chu inkhel thei lo tura ngaih a ni a, a contract neih lai chu 2025-26 season tawp ruala tawp ve tur a ni.
Kum 26 mi hian a contract hi a hmang zo dawn ta lo a, Arsenal thuneitute nen an inbiak hnuah an inrem thei a, inthathen mai hi an titlu ta a ni.
Emirates Stadium a luhchilh hnuah Tomiyasu chuan season li chhungin Arsenal tan bawi 84 a khel a, hengah hian goal hnih thunin, mi goal thun tur vawi ruk a siamsak hman a ni.