AZL: Central YMA hnuaia ruihhlo do pawl, Central Anti Drugs Squad (CADS) 2nd Batch chu ruihhlo do hna kalpui tan turin lakluh an ni.
Thawhtanni tlai khan Central YMA Hall-ah CADS 2nd Batch lakluhna inkhawm neih niin Central YMA Vice President Prof. Lalnuntluanga’n a kaihruai a, CADS member inhmelhriattirna hun hman a ni.
Central YMA President Lalhmachhuana chuan CADS member-te chu rinawm tak leh ram leh hnam chhan duhna tak tak pu chunga ruihhlo do hna kalpui turin a chah a. Ngaia nei mai lova tha thar leh inpekna thar kal pui a tul thu a sawi bawk.
CADS 2nd Batch-ah hian Aizawl khawpui chhunga Branch YMA hrang hrang atanga aiawhte member atan ruat an ni a, membet 42 an awm dawn a ni.
Convener atan Central YMA Assistant Secretary Fabian Lalfakawma ruat a ni a, ani bakah hian Asst. Convener leh Secretary pahnih ruat an ni bawk.
March 15, 2025 atang khan CADS 1st Batch ten an thawk tan a, June 30, 2025 ah an term a zo va. 2nd batch ten an thawk tan veleh dawn a ni.