Aizawl: Chief Minister Lalduhoma’n Union Home Minister Amit Shah chu New Delhi-a a pisaah a kawm.
Thawhtanni tlaia an inkawmnaah chief minister Lalduhoma’n Handholding Scheme, Thenzawl Peace City leh project lian danga Mizoramin sum a mamawh te a sawi pui a. Union home minister chuan parliament session lo awm turah an ngaihtuah tur thu lo hrilhin; union finance minister, union home minister leh chief minister te nena sawi tlang a, tihhlawhtlin dan kawng dap ni se, an ti.
Shah chuan The Mizoram (Maintenance of Household Registers) Bill 2019, President of India hnena la tang mek chu President pawmpuina hmuh a nih vat theihna tura a lo bawhzui tur thu te, AAI hnena Lengpui Airport hlan chungchang pawh union cabinet-in an lo ngaihtuah tur thu te a lo hrilh.
Chief minister-in Mizoramah helicopter lian zawk leh mi phur tam thei zawk dah tura a ngenna chu a lo bawhzui tur thu leh Lengpui Airport-a CISF duty-te tihchangtlunna tur, Police Modernisation Scheme hnuaia fund dilnate pawh en zui a lo tiam bawk.