Mizoram sorkar in college lama part time assistant professor mi 29 a rawih mekte chuan danin a phut ang an nei kim lo nia hriain MSU chuan zirlaite nen kawngzawh an nei a, sorkar lam chuan heng mite hi insawifiah turin ni 15 chhung hun a pe chhunzawm bawk.
Hetih lai hian tunhnai khan education minister chuan heng mite hi sorkar hmasa lama lak deuh vek an nih thu a thusawina pakhatah a sawi a, an hun chhung chuan dan dik taka lak an ni tawh tih a sawi zawm.
Hetiang hi kan ram zirna in sang dinhmun a la ni chho deuh nuai mai a, heng mite hi dan dik lo leh qualify lo an nih chuan ban ngam mai awm tak an nih lai hian sorkar lam lah chuan an ban hreh tum hrang tawh niin a lang a, quality education lam kan la hlat viau chuan a hriat a ni.
Zirlai pawl lam hian sorkar thuchhuak leh kal zel dan tur hi an ngaichang rih leh ta phawt chu a ni a, sorkar lam hian dik lo leh tling lo na na na chu ban a, chhawr zui lo mai awm an nih tawh lai hian eng nge thleng zel dawn chu ni?
Kan ram hi thenkhatah felfai viau tawhin hriat mah se, tawp ru tak tak leh induhsakna uchuak tak tak hi a la awm hian a lang leh thin a, hei hian thalai lehkhathiam leh fit zawk, thiamna sang tak tak neite a tihnual a, an rawn fight-back chho mek ta bawk.
Zirlai pawl leh sorkar pawh hian innawr leh inngur tawn chhen lo hian dawhkanah felfai takin sawiho thei zel se la, dan dik taka kal tlan theih ni ngei bawk teh se.