Inkawp rem tak niin, fans ten hmuhnawm an ti a, an inkawp rem chho tluang viau dawn emaw tih laiin Katy Perry leh Orlando Bloom te chuan inthenzai an rel ve leh ta.
Kum 40 mi zaithiam leh actor kum 48 mite chuan thenzai an rel tak thu hi an nemnghet dun tawh a, chutihrual chuan an fanu Daisy Dove tan erawh nu leh pa tha tak ni tura theihtawp chhuahdun an tum thu an sawi thung.
Anni pahnih hi kum 9 chhung tehmeuh inzui mah se, hemi kum chhung hian on-off an ngah ve hle a, Bloom-a’n a propose atanga kum ruk hnuah an inthen fel thu hi an nemnghet a, an kalna line lam a lo inang chiah lo nen, an inkar a inrem hlei thei meuh lo a ni ber.
Tun hnai khan Bloom chuan nun bul tan tharna lam hawi social media lamah post in, Swiss psychiatrist leh psychotherapist Carl Jung a thuziak hrang hrang mal tlat nun leh lunglenna lam a qoute tel nasa hle a, hetih lai hian Perry ve thung chu tour neiin Australia lamah hun a hmang ve mek bawk.
Anni pahnih hi kum 2016 Golden Globes afterparty atanga inngaina leh inzui tan an ni a, kum 2017 khan inthen lehzuaiin, kum 2019 khan an inhual zui a, tunah erawh thenzai rel turin thu an thlung nghet ta thung a ni.