Khuarel chhiatna thlen duh hunlai a ni a, fur khua a nih avangin ruahtui a tla tam thei hle bawk.
Mizoram hmun hrang hrangah thawhlehni atang khan nileng leh zan lam thlengin ruahtui kan dawng thain, ruah a sur cherh cherh reng a, thenkhat tan chuan malsawmna a ni ngei ang.
Hetih lai hian chhiatna lian tham em erawh a thleng lo a, a lawmawmin, a vannneihthlak bawk. Mahse, zirlaite erawh an khawngaihthlak hle.
Tun hma nena khaikhin chuan tunlai tawng takin thalaite hi an soft tawh pawh a ni mai thei. Mahse, kan zirlai duhawm tak takte hi an khawngaihthlak a, ruahsur hnuaia naupang te te an school kai ngaia an awm hi an lainatawm a, an khawngaihthlak a, hmuh an hrehawm thin.
Zirna in zawng zawng khar kher lo pawhin ruahtui tam zual lai hi chuan zirna in hniam zawka lutte tal hi chu chawlhtir thei thin se la, chhiatna thlena mipui ralkhel hun kher hi kan nghak hian a ang thin.
Naupang te nawi deuh, ruahsur kara school kal tura an han chhuak hmuhte hi a hrehawm a, huh hnuanga zirna in chhung an han lut leh awm tur ngaihtuah phei chu a hrehawm zual. Hetiang hunah hian sorkar hian ruahmanna leh ngaihtuahna seng thuai thuai zel teh se. Tin, hetiang hunah hian school thuneitu sang lam pawhin ngaihtuahna an hman thiam a hun hle.