Boolywood movie hrang hrangah inlan dunin, fan tam takin inngaizawng hial tura an duh khawpin an inhmeh a, an chan dunna hrang hrang a hit thei hlawm hle bawk.
Lemchan piah lamah pawh Kajol leh Shah Rukh Khan te hi inthiantha tak an ni a, hemi chungchang hi tunhnai khan Kajol chuan a sawichhuak.
‘King Khan’ tia an sawi pawh hi a phu hliah hliah, tia sawiin, kan film siamdun te hi a hit thei hlawm hle a, amah avanga mawi ve mai chauh hi ka ni, tiin Kajol chuan a sawi.
Kajol hian Shah Rukh hian thurawn a pek nasat thin thu sawiin, a tirah chuan ka hrethiam lo hle a, ka ngaithla liam puat a ni ber. Ka tal tal khan ka tal chho vel mai mai a, mahse tun hnu hian ka chhawrin, ka hrechhuak thar nasa hle. Ka tana mi hlu tak a ni, a ti zui bawk.
Udhaar Ki Zindagi (1994) ka chan lai khan kum 18 mi vel chauh ka la ni a, khami tum khan ka chau tak zet a, ka hah bawk a, ka nu hnenah film lama kal ka duh tawh loh thu ka sawi thlawt a, keimah chauha ka awm phei chuan ka tap a, ka nun kha a hahthlak tak zet. Chumi lai chuan Shah Rukh min fuih thinnate kha ka hrechhuak leh a, acting technique hi ka zir tan a, nuamti takin ka awm theih phah chauh a ni, a ti.
Anni pahnih hi lemchan piah lamah pawh inkawmngeih tak an ni a, nupui pasal an neih hnu thleng pawha inngaina tawn tak niin, Shah Rukh chu a tan mi pawimawh ber pakhat a nih thu Kajol chuan a sawizui nasa hle.
An pahnih hian Bollywood movie hrang hrangah an chang dunin – Baazigar (1993), Karan Arjun (1995), Dilwale Dulhania Le Jayenge (1995), Kuch Kuch Hota Hai (1998), Kabhi Khushi Kabhie Gham (2001) leh My Name is Khan(2010) te phei chu a hun laia hit kai pha thiau an ni hlawm a ni.