T. Vanlalhmangaihi (Hmangaihi) chuan a solo album hmasa ber tur atana a title tur a thlang fel ta.
Mizo Idol 2022 Hmangaihi hian a album hmasa ber tur atana a title turah a rilru a siam fel thei lawk lo va. Title pathumah a rilru a insual! Mahse, ngun taka a ngaihtuah hnuah, a duh ber a thlang chhuak ta. Chu chu — Rimawi Zinkawng — tih a ni.
Hmangaihi hian — Rimawi Zinkawng — tih a thlan chhan hi, Mizo Idol intihsiaknaa pakhatna a nih atanga a album hmasa ber tur a buatsaih thlenga rimawi khawvela a zinkawng zawh hriatrengna behchhan atan a rawn thlang niawm tak a ni.
Piallei leh Thangvan — hitmaker hian a album hmasa ber hi thla leh, August thla tawp hian tihchhuah a tum a, a ni tur tak erawh a la sawi thei lo. A album turah hian a hla phuah telin, hla pariat dah a tum bawk.