Fur khuaah kawngpui a tlo lo a, lirthei a tlan loh theih bik ngawt bawk si loh, kan kawngpuite a chhe hlawm hle.
Kawngpui siamthat theih loh a nih avangin sorkar chirhthehna thawm a lian chho a, a changtu minister ber lah chu a ngawi chho ta daihin a hriat bawk nen, kan hma hun hi a va thim em.
Inkalpawhna kawngpui hrang hrang a chhiat em avangin lirthei hmanga eizawngte an khawngaihthlak a, tunah hmalatu turin pawl hrang hrang an rawn intelkhawm a, hei hian rahtha chhuah chho ngei bawk teh se.
Kan kawngpuite hian duat an mamawh a, chutiang bawkin lirthei neituten kawngpui thaa tlan an phu bawk. Chutiang a nih avang chuan kawngpui tha kan neih a, sorkar pawhin a tih tur a tih thuai thuai a tul a, hmalatu pawl indintharte pawh hian theihtawp chhuahin kawngpui tha kan neih ngei theih nan han nawr tak tak teh se.