LPS vision buatsaih, Mizo Talent intihsiakna chu ruahmanna hmasaah July ni 24 atanga tan turin puan ni tawh mah se, a hmun tura an tih LPS Arena lam remchan zawkna avangin a hun hi sawn a ni a, August ni 5 ah tan a ni ang.
Mizo Talent-ah hian zai mite tan a tel theih a, mal zai emaw, zaipawl emaw a huho (group/band) pawh a tel theih a ni bawk. Lam duh tan a tel theih bakah, a huho pawha intihsiakna hi hmachhawn theih a ni bawk.
Rimawi hmanraw chi hrang hrang tum thiamte tana tel theih niin, heng bakah hian category dang, magic leh acrobatic pawh a awm bawk a ni.
Mizo Talent-a pakhatna hian Rs 2,00,000 a dawng dawn a, Top 3 zinga mi pahnihin Rs 50,000 ve ve an dawn dawn bakah, Top 10 a tling, Top 3 han ni phak lote pawhin Rs 10,000 theuh an dawng dawn a ni.