Amritsar, Punjab-ah Junior Boys National Football Championship khelh a ni dawn a, Mizoram team pawhin Zirtawpni hian an khelhna tur panin an chhuak dawn.
Mizoram team hi Group D-ah awmin Chandigarh, Chhattisgarh leh Maharashtra te nen an awm ho a, state 16 ten champion nih tumin inelna an hmachhawn ang.
Mizoram hian July 21-ah Guru Nanak stadium-ah Chandigarh an hmachhawn hmasa ber dawn a ni.
Mizoram team hi manager Lalbiakzuala (Bza) hovin coach HC zarzoliana kaihhruai tur an ni a. Asst coach Lalnunmawia’n a pui bawk ang.
Ramhlun South, Aizawla cheng mek, HC Zarzoliana hi Mizoram Premier League (MPL) season hmasa bera Dinthar FC champion-puitu kha a ni a. Ram pum huap inelnaah pawh vawi 10 lai nomawi la tawh a ni bawk.
Mizoram Fixture:
21/07/2025 Chandigarh vs Mizoram
23/07/2025 Mizoram vs Chhattisgarh
25/07/2025 Maharashtra vs Mizoram