Zaithiam Adam Levine chuan music album thar a nei leh thuai mai thei nia sawiin, chutih rual erawh chuan buaipui hauh loh tur a nei thu a sawi tel a, chu chu tattoo thar a ni.
Mi tam takin taksa hmun hrang hranga tattoo chhut an uar a, keini ram kilkhawr thleng thlenga pawha kan lo uar chhoh ve viau lai hian Maroon 5 frontman chuan a nun a tihhlim phah loh thu leh inchhirna a neih thin thu a sawi.
July ni 11, zirtawpni khan kum 46 mi hi Today.com chuan kawmin, a kut veilamah tattoo thar a neih thar leh tawh thu a sawi a, a tawpna ber pawh a nih a rin hial tawh thu a sawi.
Adam Levine hi tattoo uar ve tak mai a ni hrim hrim a, a taksa pumpui chu tattoo hmanga khat deuh vekin, a khat tawkin a thar a chhu reng bawk a, mahse hei hian a nun a tihlim vak lo niin a lang a, a inchhirna lam hawi a sawi ve zeuh zeuh ta mai.
Zaithiam Levine chuan tattoo neih chu nuam a tih zawng tak a nih thin thu a sawi a, mahse a na thin tak zet, a ti. Ngaia neih har a tih thu a sawi a, an chhut lai phei chuan tawrh hrehawm tih chang a nei fo niin a sawi bawk.
Tunah chuan a taksaah tattoo chhutna lai tur awm mang tawh lo khawpin a ngah tawh a, a duhtawk ta deuh ni pawhin a lang a, tattoo thar lam aiin album a hnai zawk dawn niin a sawi.