Cole Palmer-a goal hnih tha tak nen Chelsea chuan European champions Paris St-Germain chu Club World Cup tihlen hnua inelna hmasa ber final-ah hnehin an champion.
England attacking midfielder hian goal hnih a thun bakah hian an lei thar, Joao Pedro-a goal thun tur pawh siamsakin 3-0-in MetLife Stadium, New Jersey-ah nomawi an la.
Palmer-a hian minute 22-ah goalkeeper Gianluigi Donnarummadan theih lohvin hniam takah a chhuih lut a, minute riat hnuah ama goal lo thun fo tawh dan angin penalty box chhung chiah kil atangin a chhuih lut leh bawk.
Joao Pedro-a thun pawh hi a ball pek tha bik, defender-te then phawk theihna tura a vawrh luh a ni a, Brazilian hian Donnarumma pek khumin chawlhlawk hma hretin si thumna a thun a. An inkhelh hmain Chelsea manager Enzo Maresca-a’n ‘khawvela team tha ber’ tia a sawite lakah an che tha hle.
Second half-ah Khvicha Kvaratskhelia chuan Blues goalkeeper Robert Sanchez a fiah a, hnai tak atanga Ousmane Dembele pet a dansak zui bawk.
Substitute Liam Delap pawhin hun tha a nei a. Goal a luh hmain PSG hian Joao Neves leh Desire Doue hmangin hun tha an nei bawk a, an hlah ve ve.
Parisians tan minute 85-ah chuan inkhel a tawp tih theih a ni a, midfielder Neves chu defender Marc Cucurella sam a pawh avangin VAR hmanga ennawn a nih hnuah hnawh chhuah a ni.
PSG manager Luis Enrique-a pawh a tal na hle a, inkhelh tawp hnuah Chelsea forward Joao Pedro chu a beng a, substitute bench-a thua lut ta lo, Presnel Kimpembe-a’n an coach hi a pawt hrang.
Enrique-a hian a hnuah player-te intibuai chu ‘thil tha lo zawk a thlen loh nan’ a thelh zawk niin a sawi a, “Inkhelh tawp dawna innawrna nasa tak rah a ni,” a ti.
Final hi a hmunah mi 81,118-in enin tournament chhunga entu an tam ber tum a ni a. US President Donald Trump-a pawh Fifa president Gianni Infantino-a kiangah a thu a. Chelsea hian khawvel champion an nih avangin £ maktaduai 90 chuang an hlawh chhuak a ni.