Aizawl: Chief Minister Lalduhoma’n nimin khan Prime Minister Narendra Modi chu a chenna in, Delhi-ah kawmin, Mizoram tana pawimawh hrang hrang a sawipui.
An inkawmnaah hian Chief Minister Lalduhoma chuan Thenzawl Peace City Project chungchangte, Aizawl leh Thenzawl inkar kawngpui national highway-a siam chungchangte, handholding policy hmalakna chungchangte bakah, tun hnaia Chin Hills, Myanmar-a buainain Mizoram a nghawng dan chungchangte a thlen a ni.
Chief minister chuan Aizawl mipuiin gas cylinder ngai tawh lo va, pipe gas connection an neih ve theihna tur IGGL-in Rs vbc 9,265 man gas pipeline project thawh hna a kalpui mek chungchang pawh prime minister a sawipui a ni.
Prime minister chuan pipeline kaltlangna tur Mamit District DC chu chak lehzuala hma la tura a duh thu chief minister hi a lo hrilh a ni.
Chief minister hian prime minister chu Bairabi – Sairang rel kawng thar leh Sairang Railway Station thar hawn sak turin a sawm a. Prime minister chuan a hmun ngeiah, hun remchanga rawn hawn a tum tur thu a lo hrilh bawk.