AZL: Mipuiten tul bik (emergency) thilah Mizoram Universal Healthcare Scheme (MUHCS) hnuaia inziak lut lo damdawi in an pan theihna dan ruahman a ni.
Mizoram Sorkar Health and Family Welfare Commissioner & Secretary, H. Lalengmawia chuan nimin khan hriattirna tichhuakin, Mizoram Larsap-in Mizoram Universal Healthcare Scheme Guidelines 10.3.2-ah cluase thar (i) telhin, mihring nunna atana hlauhawm (life threatening case)/emergency case/tul bik nia Review Committee-in a hriatah chuan Non-Empanelled Hospital remchang apiang pan theih a ni a. Damdawi in pantute chuan darkar 48 ral hmain an inenkawlna senso bill phalna Mizoram State Healthcare Society-ah an theh lut tur a ni a, a hmuna kal thei lo tan darkar 48 chhungin Google Form hmangin online-a theh luh theih a ni.