Aizawl: Mizo Students Union (MSU) General Headquarters chuan thuchhuah siamin, tun hnaia social media-a an hruaitu ni thin anga sawi, WIlliam-a chu Chin zirlai harsatna tawkte buaipui tura ruat a nih thu an tar lang.
Nimina an thuchhuahah MSU hian, Zofate chu an duh vang ni loin ram pathum – India, Myanmar leh Bangladesh ah te thendarha awp beh an nih thu tih sawiin, ram hrang sorkar awp behna hnuaia awm rih mah se, unau nihna vawng nung reng turin khawvel ram hrang hranga Zofate ngenin, ramin ri nei mah se, hnamin ri a nei lo tih chu an thuvawn a nih reng thu an tar lang.
MSU chuan Myanmar tualchhung buaina avanga raltlante chu theihtawpin an lo buaipui thin a. An tan America ram atangin tanpuina tur bungrua leh damdawi chah lutin, hetiang buaipui a nih lai hian Myanmar lama an unau leh zirlai pawla an thawhpui Chin Students Union (CSU) te phungbawmah an sawm thin a. Tun hnaia social media vela lang William-a chu kum 2022 chhung khan Chin zirlai raltlan harsatna tawkte buaipui tura ruat a nih thu leh, William-a chauh lo pawh Chin pawl hrang hrangte thlei bik awm loin a remchan dan angin an thawhpui thin tih an tarlang bawk.
Kum 2024 atanga hruaitu thar kaihhruaina hnuaiah Myanmar unau pawl hrang hrangte thawhpui an la nei rih lo niin an thuchhuahah MSU chuan an tar lang a ni.