- Lalhruaitluanga Bawitlung
Congress sorkar hunlaia khatiang taka ram economy(sum dinhmun) a thatna chhan leh sum a enkawl thiamna chhan kha sawi nep nan mi thenkhatin awihawm leh verhvek takin tuna sum indaihlohna chhanah ‘zu zawrh anih tak loh hnuin sawrkar hnenah chhiah chhunluh a tlem phah’ tiin thiam takin an sawi thin a amherawhchu hei hi thu belhchian dawl lo a ni.
Mizorama zu zawrh tawp kum 2018 khan sawrkar hnena chhiah lut zat (own tax revenue) hi cheng vaibelchhe 726.70 niin a kum leh 2019, Mizorama zu zawrh khap a nih hnu hian sawrkar hnena chhiahlut zat chu cheng vaibelchhe 730.98 ani a, hemi hnuah pawh a kum telin chhiah lut a pungchho tial tiala, chuvangin a chunga sawi tak chhuanlam khi chu thu tlingah a lak theih loh a ni. Kum 2024-25 ah phei chuan State chhunga chhiah khawn (State Own Tax Revenue hi Cheng Vaibelchhia 1335.901(RE) hial a ni tawh ani tawh ani. Mizoramah zu zawrh phal anih lai khan India ram chhung state zawng zawngah zu chhiah a la tlem ber ani, hei hi a chhan chu Mizo te hi hnam dang aia insum thei lo leh puitling lo bik lo kan nih avangin zu in duh ten zu tha zalen taka an hmuh theih chuan zu in an thiam beiseina sang tak a neih avang ani.
BJP khan Centralah 2014 atang khan sorkarna siamin Congress sorkar 2nd term nen khan a in nang chiah amaherawhchu BJP hian Congress sorkar kha an sorkar hnua Mizoram sorkar ding tawh zawng zawngah i.e., MNF leh ZPM, a la thawhpui that ber ani tlat, ram chhung pawisa tual leng pawh Mizoramah a tam ber hunlai ani tlat bawk. Congress sorkar CAG Report kan rawn tarlan atang hian hetiang khawp hian sum dinhmun tha hian Central ah BJP an sorkar lai in Mizoram hi a siam hman a, ram sum dinhmun chhia leh tha hriat theihna atan tehfung ber a an hman atang hian India ram state zawng zawmg zingah sum dinhmun tha ber pawl Mizoram hi a ni hman. Entirnan, mahni sorkar hunlai a sorkarna chelhtu programme atan budget ah sum dah theih zat han sawi chhuak ila, NEDP atan Congress khan state pawisa atangin kum 2018-19 budget ah khan Cheng Vaibelchhia 750 a dah theih laiin, ZPM sorkar hian a hnu kum 10 dawn a liam tawh hnuah pawh an flagship programme Bana Kaih Policy atan Kum 2025-26 budget ah Cheng Vaibelchhia 350 chauh an dah ve thei tawk ani. A hnu a sorkarna rawn chelhtu te panhnih MNF leh ZPM te hian ram tana rorelna hna hi a ngaihna thlawt an hriat loh avangin tun ang dinhmun chhia ah hian Mizoram kan awm phah ta a ni.