AZL: Lunglei North bialtu MLA V. Malsawmtluanga, HPC Vice Chairman ni bawk puh hmingchhiat chungchangah court thupek angin nimin khan Lunglei Police-in thubuai an ziak lut.
Tun hnaia V Malsawmtluanga, MLA, chungchang sawia inbiakna, social media-a voice record thehdarh chungchangah, July 14, 2025 khan ZPM Southern Headquarters Thalai chuan Lunglei Police Station-ah FIR an theh lut a, hemi chungchangah hian Court-in Lunglei Police chu thubuai ziak luta, chhui chiang tura a hriattir angin thubuai ziah luh a ni a, a tul angin an chhui zui nghal a ni.
V Malsawmtluanga puh hmingchhiat chungchangah hian Mausen Unit ZPM hruaitute chuan he thila mawhphurtua puh, an adviser TC Lalzarzova chu a nihna an hlihsak a. ZPM Primary member a nihna atanga ban turin thuneihna sang hnenah an thlen nia thudawn a ni.