Kum danga tih thin angin Synod Bookroom chuan Reduction Sale an buatsaih mek.
Reduction Sale hi July 14-19, 2025 chhung atan buatsaih leh mek a. Reduction Sale neih chhung hian zing dar 8 atanga tlai dar 5 thleng a duh apiang tana dawr theih turin hawn thin a ni ang.
Reduction Sale hi Mizoram puma Synod Bookroom branch hrang hrang bakah distribution pahnih leh Churachandpur-a Tuithaphai Branch Synod Bookroom-ah te neih a ni.
Reduction Sale-ah hian Synod Bookroom-a lehkhabu zawng zawng, Bible, Kristian Hlabu, communion thil, kohhran mamawh chi hrang hrang, stationery item zawng zawng leh school naupang mamawhte 5% – 80% discount-in hralh chhuah a ni.
Synod Bookroom Reduction Sale hi a rualin Mizoram pumah July ni 14 zing khan tan a ni a. Branch hrang hrangah branch committee ruahmannain hawnna hun hman a ni a, Headquarters Mission Vengah chuan Rev. Dr. K. Lallawmzuala, Synod Executive Secretary, i/c PRESCOM chuan Reduction Sale hi Pathian hnena hlanin mipuiin tangkai taka an hman theih nan a hawng a ni.