Aizawl: Aizawl West I bialtu MLA TBC Lalvenchhunga chuan a bial chhunga sorkar school enrollment pung tam berte hnenah a MLA fund atangin lawmmanah Rs nuai khat ve ve nimin khan a pe.
Aizawl West I bial chhungah hian sorkar Primary school zing-ah Govt. Primary School II, Sairang-in 24% enrollment punna neiin, Rs nuai khat hi a dawng a; sorkar middle school zingah enrolment punna 50% neiin Govt. Middle School-II, Tanhrilin lawmawm a dawng bawk. Heng school pahnihte enrollment kum hmasa lam atanga teha kumin academic year-a, zirlai enrollment pung tam ber te an ni.
A pisaa lawmman hlanna buatsaihah adviser to chief minister ni bawk, TBC Lalvenchhunga chuan a bial chhunga zirtirtute inkarah inelna thianghlim awm se a duh thute, naupang school kal lo te huikhawm a, school kal tir tura zirtirtute an tan theih nan te leh sorkar school, a phu tak tak ten inthawmthatna an neih theih nana lawmman buatsaih a nih thu a sawi a. Sorkar middle school leh primary school te
Adviser to CM chuan, school enrollment intihsiakna chu kum hmasa academic year tawp dawnin education dept kaltlangin school intihsiakna anga neih a nih tur thu school tinte hnenah thehdarh a ni tih a sawi a. Lawmman dawng tur pawh hi education dept admission information hmanga duan a nih thu a sawi.