Aizawl: ZPM Thalai Headquarters chuan an president, Jeje Lalpekhlua, MLA, hovin Sairanga Transport Department Enforncement Check Gate an tlawh a, Enforcement duty ten Motor Vehicles Act 2019 bawhchhiate lak a action an lak dan leh dan bawhchhiate pawisa chawitir an kalpui dan te an enfiah nghal.
Enforcement check gate an tlawhnaah hian ZPM Thalai President Jeje Lalpekhlua, South Tuipui bialtu MLA ni bawk chuan, Mizoramah bungraw mamawh angte an lakluh theih nan kawng tha mamawh a nih thu sawiin, “Ruahtui tlak tamna ram kan nih avangin kan kawngte hi a tlo lo va, hei vang hian lirthei khalhtu ten bungrua an phurh theih zat aia rit an phurh hian kan kawngin a tuar thin a. Chutiang thil thleng thei, lo veng tur a Transport department-a Enforcement duty ten ngawrh tak a hma an la hi a lawmawm hle a ni,” a ti.
ZPM Thalai thuchhuahin a tar lan danin, Enforcement Check Gate-ah hian Goods Carrying Commercial Vehicle ah 407 chin chunglamte chu an bungraw phurh nen buk anni thin a, ni tin lirthei 80-150 vel an buk thin bakah, hun remchang an neihin Nation Highway-a lirthei tlante an endik bawk thin a ni.
Bungraw phur lirtheiah hian ni tin mamamawh buhfai leh gas phurtute chu hriatthiamna sang tak an neih thin a ni.