Kum 30 liamta khan tanpuina dil lo ta se, a thih daih tawh tur thu zaithiam lar Sir Elton John-a’n a sawi.
Hringnuna dam khawchhuak thei tura a beih fat fatna kawngah duhsak taka enkawl a, fuih thintute, tanpui thintute chungah a lawmzia hahipin a sawi.
Elton chuan, “Malsawmnain ka khat a ni ringawt mai. Kum 30 liam ta khan tanpuina dilin, talchhuah tumna nei lo ta ila, ka thi daih tawh ang.
“Kawng hrehawm leh hautak zawhna kawnga min inspire tute leh min thlawptute chungah thinlung takin ka lawm a ni,” a ti.
Ruihtheihthil leh Zu lamah a tlan nasa hman hle a, 1990 hma lam zawng khan mu leh mal tak tak pawh a nei ngai meuh lo. Heti chung hian a inthup hram hram thin a, larna leh hmingthannain a bawhbuai ve reng bawk nen, a nun ram a chau hman hle.
Mahse, a hun takah tal-chhuakin, midang puihna dilna chang a hriat meuh chuan a khawvel a lo mawi ta a, nun hlimna thuruk a chhar hlauh thung. Zaithiam invawngfel leh ‘discipline’ nei tha, tia hriatlar a ni chho ta. Hla mawi tak tak a lo piangchhuak zung zung bawk a ni.