Kum sawm chuang a reh vang vang hnua lemchan khawvel lama rawn kir leh Cameron Diaz chuan Netflix lam bawk thawhpui leh dawnin, film dang chang leh tura sawmna a pawm.
Diaz-i hi Jake Szymanski-a direct action-comedy Bad day-ah chang tura tihchian leh tawh a ni a, kumin chhung hian New York leh New Jersey lamah shooting an nei dawn a ni.
Kum 52 mi ni tawh mah se Diaz-i a la chuai lo a, a film chan thar tur hi a fanu hnena a thutiam hlen tura nu pakhatin a beih dan a ni dawn nia sawi a ni bawk.
Hun rei tak lemchan lam a chawlhsan hnu hian Netflix lama tihchhuah Back in Action-ah Jamie Foxx nena changdunin, hei hi a rawn kir lehna a ni a, tunah Netflix lam nen bawka thawkdunin bung thar a rawn kai leh dawn ta.