Aizawl: MNF-in ropui takin Mizoram Independence puan kum 60-na lawmna hman an tum.
MNF chuan March ni 1, 1966 hi Mizoram Independence-ah a puang a, nakkum hi a puan champha kum 60-na, Diamond Jubilee a ni. Jubilee lawm dan tur hi MNF Sr Vice President Dr R Lalthangliana kaihhruaina hnuaiah Celebration Committee an din a ni.
August ni 8, 2025 khan Celebration Committee Chairman Dr R Lalthangliana hovin Mizoram Independence puan kum 60-na lawm dan tur ngaihtuahin an thukhawm a. March ni 1, 2026-a hmang tanin, kum tluana hmang tura inbuatsaihin, Zofate tana zalenna puan champha lawmna chu Mizo Nationalism puanzar nan leh hnam rilru Zofaten thuk zawka an putna tur lam hawi zela hman an rel a ni.
Celebration Committee ah hian member 70 awmin, mawhphurhna hrang hrang chanvo insiamin, Sub-Committee pasarih an din a ni.