Aizawl: BJP MLA K Hrahmo chuan ZPM sorkar issue base-a an kal avangin central pawhin issue base-in Mizoram an enkawl nia a lan thu a sawi.
Thawhtannia BJP in an pisa-a chawlhkar thar inhlanna leh political session an neihah Palak bialtu MLA K Hrahmo chuan, ZPM sorkar chu NDA-a tel tura central hruaitute’n an dawr lai khan an zawm duh lo va, tunah chuan a rah an seng mek tih sawiin, “Issue base in kan kal dawn an tih angin an kal ta a, chutiang bawkin central pawh hian issue base thovin min enkawl niin a lang,” a ti.
K Hrahmo chuan Mizoram hian central base-a a kal ve theih hun a nghahlelhawm a, chumi hnuah chuan Mizormain kawng hrang hranga harsatna a tawkte hi a kiam tawh dawn niin a sawi.