Aizawl: Mizorama khuarel chhiatna a hmachhawn dan chungchangte belchiang tur leh a tul anga hmalak dan turte rel turin nimin khan National Disaster Management Authority (NDMA) hotuten Mizoram an thleng.
NDMA hotute hi Lengpui Airport-ah State Disaster Management Authority leh DM&R Department hotuten an dawngsawng a. Aizawl leh Lengpui inkar (Pukpui) kawnga lung tlak thinna hmun tlawh nghalin Pukpuiah hian kumin April 28 khan lung tlain Lalrinliana, Falkland-te chhungkaw chuanna motor delhin amah bakah a nupui leh an fanute an thi.
Ruahman dan chuan NDMA hotute hi Thawhlehni hian district thuneitute leh mi pawimawh dangte nen an thukhawm dawn a. State Emergency Operations Centre, Aizawl an tlawh nghal ang.
Nilainiah Champhai leh Khawzawl district-a khuarel chhiatna thlen nasat zualna hmunte tlawh lehin District Emergency Operations Centre-te an tlawh nghal bawk dawn a ni.