PWD leh Central YMA te chuan kawngpui siam leh enkawl mek chungchangah a tum thum nan thawhhhona thuthlung an ziak leh ta a, rahtha chhuah zel tak ang i maw?
Hun hmasa lamah pawh Central YMA leh PWD te hian thawhhona thuthlung lo ziak tawhin, sorkar kawng siam hrang hrangah hma an lo la hoin, an lo vilho tawh thin a, vawiin thleng hian a hlawkin, a tha em tih erawh ngaihtuahzui ngai tak a ni thung.
Tunah a vawi thum nan thawhhona tur an ziak leh ta a ni a, YMA lam hi chu khawtina awm deuh an nih avangin an tihtur chin chu an ti leh mai thei ang a, hma pawh an la tha leh viau ngei ang. Mahse, sorkar (PWD) lam bawk hian an vil zuiin, harsatna awm theite an chingfel zung zung ang em tih bawk hi ngaihtuah zui ngai chu a ni ta a ni.
Tuna an thawhhona leh turah hian thuthlung paruk siamin, hengte hi tihhlawhtlin har lo vek leh tih nghal mai theihte pawh a ni hlawm a, sorkar lam hian a vil zuiin, a enzui tha tawk ang em? Pawisa awm loh chhuanlam hi an nei chho leh mai ang em? Hmalakna awm mah se, a hlawhtlinna a awm loh miau chuan thuthlung awmze nei lo a ni leh mai dawn a, a tu ve ve pawh thawhhona titha zual turin tang zual sauh sauh teh se.