Aizawl: BJP Mizoram chuan ‘Har Ghar Tiranga’ programme pualin nimin khan War Memorial, Zodin Square-a mi chu tifaiin an hnatlang.
BJP National Headquarters-in a ruahmanna a siam thin angin, kum tinin India ram pumah ‘Har Ghar Tiranga’ programme chu India ram Independence Day pualin hun an hmang thin a. Nimin khan India ram state dangte pawhin faina hnatlang hi an nei bawk.
India ram Independence Day vawi 79-na pual hian Mizoram chhunga BJP district hrang hrangah pawh hun hman a ni a, vawiin hian India hnam puanzar nen ‘Two-Wheeler Rally’ nei tura ruahman a ni bawk.