Kan ramah damdawi hmansualna a hluar hle a, kan thalaite tam tak he ruihhlo hian a man a, khawtlang nun thlengin a ralti zo ta.
Nitin ruihhlo man thawm hriat tur a awm reng a, mah sen loh engzahnge awm ang tih phei chu ngaihtuah sen a ni lo.
Chhun khaw eng pawh heng ruihhlo ngawlvei tawhte hi chuan an zah zo lo a, kan khawpui kawtthler hrang hrangah hian hmuh nuam lo khawpa tam hmuh tur an awm ta.
Thalai tam tak ruihhlo hmansualna avangin an buai a, zirlai naupang thlengin he ruihhlo hian a luhchilh tawh a, inven mai bakah a hlauhawmzia inzirtirna hi kan kalpui a ngai tawh hle mai.
Zirlaibu em ah kan la telh thei lo a nih pawhin a hlauhawmzia leh ngawlveite nuihzat hi kan inzirtir a hun a, kan naupang duhawm tak takte hi kan zirtir mawlh mawlh a hun ta. Zirtirtute pawhin school leh inkhawmna lamah kan hrilh a, kan sawi fo a tul ta hle mai. Hawh u, ruihhlo hi mitinin i veiin, do hneh ngei turin tan i la mawlh mawlh tawh teh ang u.