Aizawl: Excise & Narcotics Department, CADS (Central YMA) leh Assam Rifles thawkho chuan Heroin gram 323 (Hawng 37) an man.
August ni 11, 2025 zing dar 8:45 khan Thuampui vengah Heroin gram 35 (Hawng 3) leh a neitu nia puh mi pakhat – Vanlalrinawma (22) s/o, Zarkawt-a khawsa nia inchhal chu an man a. He thubuai chhuina kal zelah hemi ni vek, chhun dar 12:45 khan Bawngkawn Venglai-ah heroin gram 253 (Hawng 22) leh a neitu mi pahnih – Agnes Lalrempuii (23), Muthi, tuna Bawngkawn Venglaia khawsa mek nia inchhal leh Lalngaihpuii (31), Diltlang, Champhai District, tuna Durtlang Venglai-a khawsa mek nia inchhalte an man.
August ni 11, 2025 vek, chawhnu dar 2:45 khan heng heroin neitute inpuanna atang hian Zuangtui-ah Heroin gram 135 (Hawng 12) man belh a ni bawk.
Heroin vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni. He case-ah hian Court-in thiamloh a chantir chuan kum 10 atanga kum 20 chhung tanina tantir leh pawisa, Rs 1,00,000 atanga Rs 2,00,000 chawi bawk tura hrem theih an ni ang.