An inthenna pawh kum fe a ni ta. Hmangaih leh duh taka inkawp a, innei zui kha an ni a, mahse chiang takin an inthen ta si.
Tun hnai khan Jennifer Aniston chuan Brad Pitt nen an boruak kha rawn sawi tharin, kan inthen hnu khan engmah hriatzui ka duh tawh lo a, kan ngaihven lo hle bawk a ti.
Kum 61 mi nena an inneih laite kha hriatreng a duh ngai loh thu sawiin, engmah ka ngaihtuah let duh lo, a ti a. Ka thinlungah chuan riak reng chu a awm ve alawm, mahse ka ngaihtuah zui duh ngai lo, a ti bawk.
Kum 56 mi Aniston leh Brad Pitt te hi kum 1994 khan inhmelhriat tanin, kum 1998 atang khan a ruk takin an inzui tan a, July 2000 khan an innei zui a, mahse kum 2005 khan chiang takin an inthen fel. Mr. & Mrs Smith a Brad Pitt leh Angelina Jolie te changdun chu an induh zui tak mai avangin an inkar hi a tawp zui ta a ni.
Hemi hnu hian an inbe ngai tawh lo a, an inhmu zui tawh lo bawk a, an inthen chiang hle. Mahse, tun hnaiah an pahnih hian an inthianthatna an tithar leh nia sawi an ni a, hemi chungchang hi Aniston chuan a pha lem lo bawk. Mahse, inkawp leh chungchang erawh engmah a awm lo bur niin Aniston chuan a sawi.
Jennifer Aniston chuan an inthenna chungchanga thuthang leh media te sawi nasat tak takte chu hre lo a nih bik loh thu sawiin, nasa takin keipawh min nghawng a, mahse hma lam ka pan lui tlat thung, tia sawiin, tun hnaia a inpuanna a sawi hrang hrangte hi September ni 17 ah en theihin a awm dawn a ni.