Har Ghar Tiranga’ campaign kal zelah nimin khan BJP Mizoramin ‘Two-Wheeler Rally’ an nei.
BJP Mizoram President Dr. K. Beichhua, MLA chuan rally nei turte vai liamin, Sikulpuikawn atangin Chanmari kawnah kualin, BJP State Office-ah an tawp.
Hun tawpna siamah Siaha bialtu MLA Dr. K. Beichhua chuan, “Har Ghar Tiranga puala hun kan hman hian Two Wheeler Rally kan nei satliah a ni lova, India hmun hrang hranga chengte kan inpumkhatzia lantirna a ni tih kan hriat a ngai,” a ti.
BJP Mizoram president chuan zalenna hmuh laia tha thawhtute chu vawiinah an zingah awm tawh lo mah se a la damho hian mi hmasate aiawha India enkawl chhunzawm tura awm an ni tih an hriata India hian hma lam a pan zel a, Mizoram pawh state dangte ruala hmasawnna kawng a zawh ve zel theih nan inlungruala hma lam an pan a tul tih a sawi.