Aizawl: Lok Sabha MP Richard Vanlalhmangaiha chuan Siaha district-a LTTT kawng laih meka zangnadawmna Rs vbc 82 la tang mek chu tifel thuai turin Border Road Organisation Director Lt General Raghu Srinivasan a ngen.
Thawhlehni khan Lok Sabha member Richard Vanlalhmangaiha chuan BRO Director General, Lt. General Raghu Srinivasan chu New Delhi-a BRO Headquarter-ah a kawm a. Mizoram chhunga BRO enkawl kawngte leh hmasawnna hrang hrang an thawh mekte chu chak lehzuala hma la turin a ngen a. PUSHPAK Project hnuaia RCC bridge thawh mek chawlh lailawkte chu chhunzawm vat a nih theih nana hma la turin a ngen bawk.
Richard Vanlalhmangaiha hian Lawngtlai, Siaha leh Champhai district-a land acquisition la pek fel lohte chu a hma lama pek fel a nih thuai theih nan hma la turin leh, Siaha District-a Tipa-Laki-Lope-Lopu (LTTT Road) kawng laih meka additionnal compensation Rs vbc 82 la tang mek chu thifel thuai turin a ngen.
Lt. General Raghu Srinivasan chuan Mizorama an hna thawh mekte leh la thawh turte pawh a tha thei ang ber leh rang taka thawh a nih theih nan a hmalak nghal a nih tur thu MP hi a lo hrilh a. Land Acquisition leh compensation la pek loh chungchang pawh an ngaihtuah nghal tur thu leh, Mizorama an hnathawhte a hmun ngeia en a la tum thu a sawi bawk.