Aizawl: Tun dinhmunah Mizoramah Covid-19 hri kai enkawl lai an awm lo.
Integrated Disease Surveillance Programme (IDSP) tar lan danin August 8 khan Covid hri kai inringhlel mi 27 endik zingah pakhat chuan Covid hri a kai tih hmuhchhuah a ni a. Hemi hnu hian mi 31 sample endik a ni leh tawh chungin, Inrinni thleng khan hri kai hmuhchhuah belh an awm tawh lo.
August ni 11 khan Covid-19 hri kai enkawl lai 11-te chu an vai a dam taka chhuahtir an ni a, hemi hnu hian Mizoramah hri kai an la awm leh rih tawh lo a ni.