Aizawl: Sorkar sum kum kal meka April leh July thla inkar chhungin chhiah hmuh tawh zawng zawng zingah kawng siamna tur, Rs 22,56,01,053 a tel.
Taxation department tar lan danin, kumin April-July chhunga chhiah a hmuh tawh zawng zawng zat chu Rs. 4,94,96,56,882 a tling a, heng zingah hian kawng siamna tur, road maintenance cess a hmuh pawh Rs. 22,56,01,053 a tel.
Kumin thla li chhunga chhiah hmuh tawh zinga Rs. 3,30,18,00,723 chu GST atanga hmuh a ni a. Profession tax atangin Rs. 5,89,26,361 hmuh niin, sales tax atangin Rs. 1,13,77,07,692, road maintenance cess atangin Rs. 22,56,01,053 leh entertainment tax Rs. 20,000 hmuh a ni tawh.
Nikum October atanga sorkarin chhiah thar a lak kawng siamna tur, road maintenance cess atangin kumin April-ah Rs. 10,17,89,222 hmuh a ni a, May thla-ah Rs. 1,29,50,080, June-ah 82,05,891 leh July-ah Rs. 10,26,55,860 hmuh a ni tawh.