Aizawl: Foundation For Drug-Free Mizoram chuan nimin chawhnu hian Operation Kingdom Ministry (O.K.M) Home, Phunchawngah rawngbawlna an neihah mi 350 in ruihhlo sim hlen turin an intiam.
He hunah hian O.K.M Home Chairman Lalruatpuii chuan tlawmngai pawl Foundation For Drug-Free Mizoram te hmalakna chuan rahtha a chhuah ngei a beisei tih sawiin, ruihhlo ngaite enkawl dan leh an dinhmun hre tura an home an lo thleng chu lawmawm a tih thu a sawi.
He rawngbawlnaa resource person Lalhmingmawia chuan ruihhlo bawih atanga talchhuak tur chuan Pathian tanpuinaa tumruhna leh mahni inthununna nen palchhuak turin a fuih a. Mizoram chu ruihhlo vanga a hniam zel chuan, a hmabak a eng lo tih a sawi a. Mipa thi an tam zel loh nan ruihhlo sim turin a sawm.
He hunah hian mi 350 ten ruihhlo sim hlen turin an intiam.