AZL: World Photography Day vawi 186-na puala Mizoram School of Photography leh Photography Club of Mizoram tangkawpin an buatsaih, Photo Art Exhibition & Competition vawi 9-na chu nimin khan Archives Hall, Babutlang-ah Aizawl South III bialtu MLA Baryl Vanneihsangi’n a hawng.
Hawnna inkhawmah Baryl Vanneihsangi chuan thlalak hmangin hun pawimawh leh ni chhinchhiahtlak te lak niin, Mizo culture leh history te vawn thatsaktu an ni a, an hriat rengna a hunlai ang mai a ngaihtuah let tir theitu an nih avangin thlala thiam te an hlu hle tih a sawi.
Hun inher zelah Photojournalist tha tak neih a hun tawh hle tih sawiin, a thiam leh tui mite pawh Photojournalist puitling ni tura inchherhriam turin a sawm bawk.
Photo Exhibition hian ni nga chhung a awh ang a, August ni 23-ah khar a ni ang.