- Kima Tuallawt
Hai Sikul kan kal lai khan eng an ti nge hetiang thu ropui lutuk te hi kan zir turah khan an lo telh le! A ril zia leh a mawina kan pawh phak si lo.An harh ta nge tunah lem an telh tawh der si lo. Kan zirtirtu te ngei ngei pawh khan an let mawl ve tawp a, a tawpah zawhna har tawk tawk kha exam question ah a la awm zui a. Explain the reference with the context. Tu nge thiam ang? Sir, a phuahtu paw’n laikhum zala a dawn pawh a a hriatthiam loh chu kei zirlai mai mai hian engtin nge ka thiam ang tih ang vel kha a ni.
2007 kum a tihchhuah Amir Khan-a film hlawhtling zet, naupang mize hriat a pawimawh lutuk na,”Tare zameen par” te kha min tihrechhuak teh daih a. Naupang tê, thiam thei lo zet in,”a nihna takah chuan Mit a kan hmuh theih hi hmuh theih dik tak a ni lo a, kan hmuh theih loh hi kan hmuh theih a ni zawk”a tih ang kha. An zirtirtu ngei ngei pawh in,”eng nge hmuh theih, hmuh theih loh i tih i tih” ti a an nuihzat kha.
William Wordsworth hian a hmu fiah asin. He hringnun let but but kar a tu mahin an hriat lem loh, mi tam tak nihna ni mêk si,daikil kar a mi Lucy-i dinhmun chu, Lungpui Pât-ek kar a mawi tak mai a theihtawp chhuah a lo par ve pangpar tereuhtê chu tehkhin in, hringnun awmzia hi a rawn kêk a, a duh leh hmalamah a kuai kun a, a duh leh a kêk thle vel a, a rawn beng thal vel a ni. A hneh riap riap asin. He pangpar hi eng pangpar dang ang mah a ni lo a, amaherawh chu a theihpatawp in Bawkbawn rawng angin a rawn par vê ve ve a ni tawp mai. Zai mi ka ngaihsan fam ta, Pu C. Lalrinmawia pawh khan Tlar khat tê hi chu a hla ah a rawn ruk zeuh kha. A dang hi chu a in ang lo nang in. A rilru ka hre lo le.
Hei hi hringnun a ni. Hmehbel ve chhin teh le.
Tuma tlawhpawh zen zen loh ram atangin a rawn chawrchhuak ve a.
Sikni êng leh khawkheng karah.
Tlem tê lo chu faktu pawh an awm lo.
(She dwelt among the untrodden ways,
Beside the spring of Dove,
A maid whom there were none to praise,
And very few to love)
Lungpui keh kak,Lung sam kar a Parmawii chu,
Tu khaw kha ngaihhlut loh tê chu,
Nalh reuh si,mahse vawi khat chiah par tur.
Hmar Arsi ang mai a êng,mahse mal tlat.
(A violet by mossy stone,
Half hidden from the eye.
Fair as a star when only one is shining in the sky)
Mi hriat hlawh lo,tlem tê chuan an hre mahna.
Thlan khur a thlen hun chuan muang te’n a chawl ve mahna le,a nih tur ang a ni zo tawh alawm.
Kei nen kan danglamna.
(She lived unknown and few could know,
When Lucy cease to be.
But she is in her Grave and ohh..
The difference to me)
“SHE DWELT AMONG THE UNTRODDEN WAYS “.
Tuma’n an chîk ngai lo.
William Wordsworth.