- Dr. J.T. Vanlalngheta, 9436198502
Ka ziah thui chuan thenkhatin in chhiar chhuak peih lo vang tih ka hlau va; tawi têin ka’n ziak leh ang e.
Pathian pakhata mi nung pathum: Pa leh Fapa leh Thlarau Thianghlim (Trinity in the God Head) ringtute chuan, “(Kan Lalpa, Lal) Isua (Krista) hmingin ka/kan dil a che” tia tawngtai tih tâwp hi a dik ber mai; a chhan chu:-
- Pathian thu takin (Biblically & theologically)-in a dik.
- Tawng dik zirna atanga thlirin a dik (Grammatically correct).
- A grammar zâwnga thlîrin tawngkam indawta chheh dan dik a ni (rules of syntax nen a in hne rem).
Kan Lalpa Isua’n,” Ka hminga Pa hnena in dil apiang a pekna tur che uin” a ti ([…that whatsoever ye shall ask of the Father in my name, he may give it you [KJV];…that whatever you ask the Father in My name, He may give you [NKJV]; …so that the Father will give you whatever you ask him in my name [NRSV]-Jn 15.16).
Kan tawngtaia a tira kan/ka biak/hrilh (address) kha a tawpah pawh kan (ka) biak/hrilh (address) leh ngei a ngai alawm.
A chunga mi zui khian “…Isua hmingin ka/kan dil e” tih hi a hman theih tho bawk; KHB tawpah pawh inkaihhruaina anga kan hmuh hi. Amah Isua hminga dil a nih avangin hman theiha ngaih a ni; mahse, thil chu Isua hminga Pa dîl dil kan nih miau avangin, a tawpah pawh Pa ngei chu hrilh (address) leh a ngai a ni.
Thu belh: “Isu i hmingin ka/kan dil a che” tih hi chu ‘a Pathian thu zawngin a dik e’ tia mi a tan tlat chuan, ama ngaih dan ni mai se; Grammar rules erawh chu a kalh a ni. Tu emaw hminga thil kan dil reng reng (‘re re’ ni lovin) hi, kan han dîla/dïli hming kan hrilh nghal (direct) emaw ngai lo va, ‘hmingin’ a nih miau avangin a kual (indirect) tawh thin a ni. Hei hi a grammar zawnga sawi a ni.