Aizawl: Ni hnih awh Mizoram Legislative Assembly session chu tluang takin nimin khan neih zawh a ni.
Assembly session chhung hian kaa chhan zawhna (starred question) 350, ziaka chhan chi (unstarred question) 342, zawhna hnawl pathum, member-in zawhna an hnukkir paruk, list of business-a dah zat 40, house-a chhan zat panga leh house-a chhan hman loh 35 a awm.
Unstarred question zawhna lut zat 105, zawhna pawm zat 97, zawhna hnawl zat pasarih leh zawhna hnuklet zat pakhat a awm a. Presentation of Report 19 awmin, paper 13 chu dawhkanah pharh a ni.
Session chhung hian Environment, Forest and Climate Change changtu Minister Lalthansanga’n official resolution a put luh, Forest Conservation (Amendment) Act, 2023 chu member-te’n an sawi ho hnuah pawm a ni a. Goverment bill pali lutin pass vek a ni bawk.
Speaker Lalbiakzama chuan assembly session tluang taka an nei thei chu a kaihhruainaa pathian chungah lawmthu a sawi a. Member zawng zawngte, assembly secretariat-a thawktute chungahte, department hrang hrang P&E leh Security te bakah hriselna lama thawktute chungah lawmthu a sawi bawk.