Aizawl: BJP Mizoram chuan nimin khan K&L Production YouTube channel-in lakah Aizawl Police Station-ah FIR an theh lut.
BJP Mizoram chuan an FIR theh luhah chuan, “K&L Production YouTube channel-in central BJP chungchang thu dik lo hmanga thu dik lo sawiin, ‘Central sorkara kehchhe mek, India ramin harsatna lian tak a tawk mauh mai,’ tih thupui hmanga an thusawi hi, thu belh chian dawl lo, mipui hruai sual thei thu an puang chhuak hi a pawi kan tiin, BJP Mizoram chuan hetiang a mipui rilru hruaidik lo thei tur post hi awm tawh lo se tih hi kan duhdan a ni,” tiin FIR an theh lut.
Politics an khel a nih pawhin thu dik leh belh chian dawl hmang chauh a politics khel tur leh ram hmasawnna leh mipui awlsamna tur ngaihtuahna nen a ram rawngbawl hnaa intihsiakna tha bei mai turin BJP Mizoram chuan party dangte pawh an chah bawk.