Charlie Puth leh a nupui Brooke Sansone te chuan an inneih cham vawikhatna chu am takin an hmang dun.
Kum 33 mi zaithiam leh kum 26 mi a nupuite hian September ni 7 khan an inneih kum khatna hmang thlengin, Sansone chuan an inneih lai thlalak hrang hrang social media lama tarlangin, hun hlimawm tak an hmang dun laite chu midang hmuh theih turin a dah chhuak a, ‘Ka tiam a che’ ka tih ni atanga vawiin thleng hian hun hlimawm tak tak kan la tawng dun reng a, kan la tawng chho zel bawk ang, ka hmangaih che, tiin a pasal chu a duhzia a tilang zui a ni.
Puth pawhin a nupui a hmangaihzia leh an inneih champha pualin, ‘Happy 1st Anniversary Brooke. Ka hmangaih tak zet che a ni,’ a ti ve hnap bawk a, a nupui thlalak post hrang hrangte hi a share zui sak ve bawk.
Puth leh Sansone te hi naupan lai atanga inhre tawh niin, kum 2022 atang khan an inngaizawng tan thung a, nikum khan an innei a ni.