Aizawl: Congress party chuan Forest Conservation Amendment Act, 2023 sut leh tura Joint Civil Society-in Special Session koha an nawrna leh kawngzawh huaihawt an tum chu an thlawp thu an sawi.
Thawhlehnia an thuchhuahah MPCC chuan, August ni 27-a Assembly Session Forest Conservation Amendment Act, 2023 hmang tura an pawm hi ram tana pawi thei a nih avangin pawi an tih thu an sawi a. Pawl hrang hrang intelkhawm, Joint Civil Society-in an thutlukna sut leh a nih theih nana Special Session koha an nawrna leh kawngzawh huaihawt an tum chu an thlawp thu an sawi.