Thatchhiatna hi ama pual pawha natna chikhata chhiar leh nemngheh chi a ni ta niin mithiamte chuan an sawi a, hei hi pawmtlan anih thei chuan thatchhiatna hi natna chikhat angah ngaih a ni tawh dawn a ni.
British doctors Richard Weiler leh Emmanuel Stamatakis te chuan, “Mihring taksa che chang peih lo leh zawi lutuk hi natna chikhata pawm mai hi a felfai ber,” niin an sawi.
World Health Organisation (WHO)-in thau (obesity) hi natna chikhatah a lo pawm ve tawh bawk nen, thau-na phei hi chu ‘exer’ lak peih loh vangte a la ni zel a, an rawtna hi ‘chiangsa’ angah an ngai tih an sawi bawk.
Taksa chet peih loh vang leh thatchhiat vang liau liaua natna chi hrang hrang- Thau, zunthlum leh lung tha lo enkawl nan sum leh pai tam tak thehchhuah thin a ni a, a kaikuang ber chinfel anih hma chu awmzia a awm dawn chuang lo niin, Dr Weiler hian a sawi a ni.
Zirchianna hrang hrang atanga a lan danin, mi 20 zela pakhat vel emaw chauh hian ‘exercise’ an la thin a, chu pawh chu ruahmanna mumal leh kalphung dik tak hnuaia kalpui a ni ngai lo tih a ni.