Aizawl: All Mizoram CSS Employees Coordination Committee (AMCECC) chuan an thil phutte tihhlawhtlinsak an nih hma chu lungawi lohna lantir chhunzawm zel an tum.
AMCECC hian sorkar laka lungawi lohna lantir a ni thum chhung huhova chawlh (mass casual leave) an lak chu nimin khan an hmang zo va. Heti chung hian sorkar atanga thu lawmawm an hriat loh avangin sitting demonastration an nei dawn.
Nimina AMCECC Executive meeting thukhawm chuan an hmalak zel dan tur an ngaihtuah a. Sorkar atanga an thil phutte laka thu lawmawm an hriat loh avangin September 16, 2025 atang hian sit-in demonstartion chu General Headquarters-ah leh Sub-Headquarters zawng zawngah an nei tan dawn a ni.
AMCECC chuan sorkar atanga thu lawmawm an an dawn hma chu lungawi lohna lantir chhunzawm zel an tum a ni.
Tar lan tawh angin, AMCECC hian ‘Regularisation of CSS Employees Scheme, 2024’ hi a taka an hman thuai theih nan leh siam rem ngaite siam remsak turin sorkar an phut a. He Scheme hi AMCECC Affiliated Association leh member ni lo ten hman ve an remti lo va. AMCECC hmalakna zawm loten he scheme hi hman tum lo turin an hriattir a. Hman luih tum anlo awm anih pawhin a tawp thlengin a do dal tur thu an sawi.