Dampa bialtu MLA a boral tak avangin bye-election neih a ni dawn a, Election Commission of India lamin a hun leh ni tur la rawn ruat lo mah se, political party hrang hrangin theihtawp an chhuah chho zel a, an thawm a ngaihnawm chho ta viau.
Dampa bial hi general election hnuhnung berah MNF party chuan hnehna changin, state-ah sorkar-na chang ta lo mah se, an bialtu MLA boralta hian a ngaihvenin, a ngaihsak hle tih a hriat a, an bial mipuite ti ti luahtu ber pawh ani ang MLA neih leh duhna kha a lian hle.
Hetiang a nih avangin hian sorkar na chelh mektu tan pawh ngaihthah mai mai a thiang lo a, general election-a an candidate chu dah nawn lehin, ani tan hian theihtawp an chhuah a, beihpui an thlak nasa tawh hle.
Party lian MNF leh Congress pawhin ngaihthah mai an tum bik lo a, an party mi lian, an vice president ni lai ve ve candidate atan an dah thu an puang tawh a, a tu zawk zawk pawh lo tling se bial ngaihsak tur mi tak tak ve ve an ni bawk.
Dampa bial a tlingte a zir hian kan ram rorelna hi che hret a awmin, a awm lo thei a, ngaihthah chi a ni lo a, candidate leh party te pawhin thianghlim leh mawi takin chet han la zel mawlh teh se.