- Lalnunmawia Pachuau
(MoEF&CC Guidelines dated 24.09.2024 angin International Boundary Km 100 huamchhunga National Security Project kalpuina turah Forest area tihchhiat man an chawi vek dawn..)
Forest (Conservation) Amendment Act, 2023 (FCAA 2023) dodaltu ten an khel ber leh an hlauh ber chu International Border atanga 100 Km chhunga National Importance leh Security atan project an lo kalpui tur chungchangah kan ramngaw humhalh, Reserved Forest area an tichhe vak ang tih hi a ni.
Forest (Conservation) Act, 1980 hnuaiah khan Project lian, ram venhimna, defence purpose tur project pawh ni se, Central sawrkar-ah Prior Approval (Forest Clearance) dil vek a ngai thin a. FCAA 2023 hnuaiah erawh he dan khauh tak hi lo her danglamin National Security project bikah Forest Clearance process chhung a rei thin vangin an lo ngaihhnathiam (exempt) ta a ni. National Security Project ni lo, hmasawnna dang hnathawh, development project dangah chuan Forest Clearance hi a ngai vek dawn tho a ni.
FCAA 2023 Dodaltu te hlauh em em chu..
FCAA 2023 dodaltu te tanchhan bulpui ber leh an hlauh ber nia lang chu, “FCAA 2023 kan lo pawm chuan international boundary atanga Km 100 chhunga kan ramngaw humhalh, reserved forest area te hi central sawrkar hian min lo tichhiatsak buan buan dawn a, Forest Clearance a ngaih tawh dawn loh vangin kan ramngaw in a tuar nasa dawn a, a chereu vak dawn” tih hi a ni. Hemi lai a dodaltu ten mipui min sawi thaihna lai ber a ni. Linear Project nena inkungkaihna nei miah lo Adani Group leh Red Oil Palm te thlenga sawi zawm tawk lah bo lo. Kan inhlauhsiak luih luih a ni ber e.
Ni e, kan ramngaw, forest area te hi an lo tihchhiat buan buan dawn chuan kan ram tan chuan a tha reng reng lo. A dan ‘Act’ ngawr ngawr chhiara a Rules, Guidelines leh Notification te chhiar tel loh chuan a hlauhawm rêng bawk a ni. Hetih lai hian a guidelines tel lova a ‘Act’ ngawr ngawr kan chhiar laia Sakei anga hlauhawm kha, a kenkawh dan tur an han siam meuh chuan ‘Uifing ang mai hlauhawm loh, a chhawr thiam te tana tangkai tak Dan a lo ni reng zawk e’ titawk pawh lo awm se an demawm bik loh e.
Ministry of Environment, Forest & Climate Change (MoEF&CC)-in Km 100 chhunga Forest ram lak dan tur Guidelines a tichhuak..
International boundary atanga Km 100 chhungah Defence purpose atan ram lo la dawn se engtin nge project an lo kalpui ang tih hi FCAA 2023 dodaltu te hian an sawichian fak theih loh vang hian zeldinthubawl nen a hlauhawm thei ang bera sawiin ‘Mizoram hralhna a ni’ tiin Mizoram mipui te kan rumthaih mek niin a lang.
Dan reng reng hi Parliament/Legislative Assembly-a Pass a nih hnuah hian Rules-in a zui nghal thin a. Rules a chhuah hnuah hian Nodal Department/Competent Authority-in guidelines te an duang leh thin a, Dan chhunga inziak te chu chiang leh zuala kenkawh dan tur guidelines te an chhuah leh thin. Thuziak hmasa lamah mimal ram te chu compensation pe lovin min laksak theih loh thu te kan lo sawi tawh a, tunah erawh Defence Purpose atan ramngaw humhalh bik, Reserved Forest area-a hma an lo lak dan tur hi mipui nawlpui rilru kaptu a nih vangin kan thlûrbing ve thung ang.
FCAA 2023 pass a nih hnuah 29th November, 2023 khan ministry chuan Dan kenkawh dan tur Forest (Conservation) Amendment Rules, 2023 (FCA Rules 2023) a chhuah a. Chutah chuan Forest Advisory Committee din dan tur te, Forest Clearance pekchhuah dan tur te, etc., a lo chhuah a ni. He FCA Rules, 2023 hnuaiah hian engtiangin nge Km 100 huamchhung reserved forest area-a national security project an lo kalpui dan tur hi a chiang fekfawka tarlan a la awm loh vangin he issue chaitu te hi an chiang lo riai niin a lang.
International boundary/LOC atanga Km 100 huamchhunga National Security project atan te, Security Camp tur an lo lak dan turah te, etc.-ah hian Forest Clearance lak a ngai kher tawh dawn lo kan ti thin. Hemi chungchang sawifiahna hi MoEF&CC chuan dated 24.09.2024 khan Guidelines tichhuakin, Clarification on Guidelines notified by the Central Government on 29.11.2023 under sub-section (3) of section 1A of the Van (Sanrakshan Evam Samvardhan) Adhiniyam, 1980 – reg chu India ram pum, State leh UT zawng zawnga Addl. Chief Secretaries of Forest/Principal Secretary (Forest) te hnenah a thawnchhuak vek a ni.
He Guidelines dated 24th September, 2024 hi, National Security Project leh Defence purpose atana project an lo kalpuina tura ramngaw, reserved forest area an paltlangna lai tura kalpui dan tur a ni a, dated 29th November, 2023-a Guidelines modified-na a ni bawk. FCAA 2023 dodaltu ten an duh loh lai ber Clause (a) & (c) to Sub-section (2) of Section 1A kha niin, kha mi hnuaia exemption kha an lo dodal lai ber a ni bawk.
Guidelines dated 24.09.2024 chhuah chhan han thlir ila:
Para 2(i) of Guidelines dt. 24.09.2024-ah hian Guidelines an chhuah chhan ber a lo lang nghal a, chutah chuan Km 100 chhunga defence project chungchang leh exemption dang chungchang an lo tinzawn chat mai a. Han chhawpchhuak ila;
“(i) The guidelines notified on 29.11.2023 are applicable on the exemption mentioned under clause (a) and clause (c) of sub-section (2) of section 1A of the Adhiniyam viz. construction of strategic linear projects of national importance and concerning national security within a distance of hundred kilometers along international borders or LoC/LAC, projects related to security related infrastructure involving forest land up to ten hectares, and defence related and public utility infrastructure involving forest land up to five hectares in Left Wing Affected District, duly notified by the Ministry of Home Affairs or Ministry of Defense of the Central Government for this purpose and proposals involving area up to 0.1 ha of forest land meant for providing connectivity to road/rail side amenities. “
Para 2(ii) of Guidelines dated 24.09.2024-ah hian Defence related project, strategic importance and sensitivity kaihnawih atana proposal te chu PARIVESH 2.0 portal-a process tur ni mahse vantlang tana hmuh theih emaw, access theih phochhuah tur a ni lo thung.
Guidelines dated 24.09.2024-ah RESERVED FOREST AREA lak dan tur a khirh hle.. State thuneihna a sang hle bawk.
MoEF&CC in dated 24.09.2024-a Guidelines a chhuah Para 2 hnuaiah hian Defence related project, strategic importance and sensitivity kaihnawih atana Forest area an lak dan tur leh Dan an zawm tur hi chiang taka tarlan a ni. Forest area suasam lam reng reng a kawk lo, Forest area humhimna khauh tak a inziak zawk. Forest Clearance pechhuak chuang lovin Forest tihchhiat man hi User agency te hian an chawi vek a ngai tho tihna a ni. Para 2 clause (iv) to (xi), Forest area an lak dan tur lai hi translate lovin a nihna ang ang hian han chhawpchhuak mai ila:
“(iv) The land for compensating the loss of trees may be identified in the degraded forest land, revenue forest land, waste lands, double in extent to the land proposed for diversion or in non-forest land, equivalent to the forest land being diverted, as per availability on case to case basis.
(v) The Divisional Forest Officer, within a period of one month, after receiving of the proposal, shall arrange to carry out tree enumeration, prepare a scheme for compensating the loss of project affected trees in the land identified, project specific mitigation plans, if any needed, and forward the proposal to Nodal Officer, along with demand for making the payment of Net Present Value (NPV), compensatory scheme, site specific mitigation plan, soil and moisture conservation plan, etc., as the case may be.
(vi) The Nodal Officer, after receipt of the proposal from the Divisional Forest Officer and recording his observations and recommendations, shall obtain approval of the State Government/UT Administration or Principal Chief Conservator of Forests & Head of the Forest Force, as the case may be, and convey the same to the user agency within a period of one month for compliance and deposition of compensatory levies.
(vii) While according above approval, the Nodal Officer may specify conditions, as may be required based on the site-specific conditions, to compensate the loss of trees, site-specific mitigation measures and Plans to be implemented in and around the forest area applied for diversion.
(viii) The State Government, after conveying approval of the proposal to user agency, may handover the land to the user agency for undertaking the project commencement work.
(ix) The user agency, soon after receiving the approval from the Nodal Officer, within a period of one month, shall deposit the compensatory levies into the account of State CAMPA, managed by the National Authority, CAMPA.
(x) In case, the user agency fails to make payment against the demand raised as above within the stipulated time, 12% interest per month shall be levied on the amount not paid in time. However, if the user agency fails to make payment within a period of three months of approval, the State Government shall suspend the work in the forest area diverted and such proposal can be reconsidered by the State Govt/UT Administration subject to submission of a valid and cogent justification from the user agency along with admissible interest on account of delayed payment.
(xi) The Nodal Office of the State Government or Union territory Administration shall ensure monitoring of conditions and their compliances by the user agency.”
A tlangpui hrilhfiahna:
MoEF&CC Guidelines dated 24.09.2024-a kan hmuh ang hian Defence related project, strategic importance and sensitivity kaihnawih atana International Boundary atanga Km 100 huamchhunga kan ramngaw, reserved forest area min lo laksak dan tur chu a chiang ta vek mai a. Min lo hnehchhuh buan buan dawn emaw kan tih laiin min lo humhalh sak hle zawk a lo ni a. Kan State chu thuneihna sang tak pek a ni a, kan Forest Department hotu ten Forest area chhe zat tur zawng zawng te, project-in a paltlang laia a khawihchhiat tur zawng zawng te an lo indentified vek a ngai tihna a ni.
Project Proposal hmuh atangin thla 1 chhungin concern Divisional Forest Officer (DFO)-in Reserved forest area a tihchhiat zawng zawng hlut zawng te chhutchhuakin Net Present Value (NPV) te chawitir zat tur zawng zawng nen a buaipui fel vek a ngai. Chumi hnuah Nodal Officer hnenah a thlen ang a, Nodal Officer-in recommendation siamin State/UT Government hnenah approval dawngin thla 1 hun chhungin Project thawktu tur, Uger Agency te hnenah a hlan ang a, forest tihchhiat man, compensatory levies chawi zat tur zawng zawng a hriattir ang.
Uger Agency te hian Approval an hmuh atangin thla 1 chhungin ramngaw, forest area tihchiatna man (Compensatory levies) hi State CAMPA hnenah an pe ang. Para (x)-ah hian tihian a inziak leh a; Uger agency te hian Compensatory Levies hi an pe lo a nih chuan 12% interest-in an sum chawi tur hi a pung ang a, Approval an hmuh atanga thla 3 chhung a an la pe lo leh zel a nih chuan an project hi State sawrkar hian a chawlhtir (suspended) thei a ni. Mahse uger agency hian harsatna tawka chhuanlam tha taka insawifiahna an neih theih chuan an sum chawi tur interest leh pek tlai hremna nen an hna an chhunzawm leh thei ang. State sawrkar-in project te hi an monitor ang a, guidelines an zâwm nge zâwm lo an vil chhunzawm ang tih a ni.
Tlangkawmna:
MoEF&CC Guidelines dated 24.09.2024 han chhiar hi chuan State hian thuneihna kan neisang hle a. Km 100 chhunga kan Forest, thing leh mau te hi a lo thlawnin a luang ral mai mai dawn lo tih hi a langchiang hle a. Project implement-tu tur ten Ramngaw an tihchhiat man an chawi vek dawn bawk a, state CAMPA-ah ramngaw tihchhiatna man sum an chhunglut vek dawn tihna a ni. Hemi hi Forest Clearance diltu ten sum an chawi dan nen a danglam chuang lo.
Amaherawhchu, Forest Clearance anga a kal chuan process chhung a rei thin vangin a kalphung an tidanglam chauh zawk a, Forest Clearance dila In-Principal Approval te, Final Approval process hun rei tak pumpelhna turin he National Security project atan hian ramngaw tihchhiat man pek dan system hi an lo tlak a ni mai e.
He Guidelines dated 24.09.2024 hnuaiah hian ramngaw, forest are tihchiat man an chawi dan tur hi thla 2 chhunga rang taka tifel tura ruahmanna siam a ni a. Urgent matter-a rei tak Forest Clearance process ngai pumpelhna chauh niin Forest tihchhiat buaih buaih tumna lam a kawk lo a, Dan siamtu te tum ram a ni lo a, kan himna tur Security ngaihtuah chungin Forest area tihchhiatna man pe veka hmalak dan rang zawk an lo zawn vang a ni mai e..
Englekhawle, Dan mit atanga thlir pawhin UT kan nih hmaa Central Dan kan lo hman tawh te hnawlna atan Article 371G hi kan leklam thei ringawt lo a. Central Dan kan duh loh zawng te lo hnawlna atan duh duhin kan pawtfanin kan siksawi ringawt thei lo. Article 371G huam chhunga inziak tlemte kaihhnawihah chauh kan special provision hi kan lo hmang thei.
Dan hnuaia FCAA 2023 kan hnawl theih loh piah lamah kan insawi thaih lai ber ramngaw min lo tihchhiat sak buan buan tura kan ngaih lah chu Guidelines dated 24.09.2024-ah hian a inpesanzia leh kan insawithaihna te hi thudiklo a nihzia a lo langchiang leh viau bawk si a. Tuna FCAA 2023 kan chai luih luihna chhan bulpui ber chu Environment humhim duhna lam ni lovin, Politics inbeihna Game khelhna atan kan hman vang mai mai ni tih hi hai tur a awm lo ve. Chuvangin eng ang pawhin dodal ila, kawng te pawh zawh ila, Special Assembly pawh ko sa teh mah ila, kan dodal ber Dan FCAA 2023 hi kan ramngaw suasamna tur Dan a nih bawk si loh chuan englai chu nge kan hlauh ber chu ni ta??