Mizoram Snooker & Billiards Association (MSBA) buatsaih, Mizoram 6 Red Snooker Championship 2025-26-ah Lalrina Renthlei dang thei an awm lo va, Mizoram No. 1 hian Lalsangzela lakah hnehna changin nomawi a la leh ta.
Tuikhuahtlang tlangval hian Zirtawpni zan khan final-ah No. 2 Lalsangzela, Khatla South chu 6-3-in a hnehin a champion leh ta a ni.
Mizoram Snooker Ranking No. 1 leh 2 inhmachhawn cue sport ngainatute ngaihven a hlawh hle a. Lalrina’n frame 1-na leh 2-na 28-26 leh 45-24-a a lak zawn hnuah frame 3-naah 14-51 in Zela a chak a, Lalrina’n frame 4-na 42-7-a la lehin Zela’n frame 5-na leh 6-na 31-32 leh 18-42 in a la leh a, hemi hnu hi chuan Lalrina’n a tha a thlah tawh lo va, frame 7-na atanga frame 9-na thleng hi 37-22, 42-26 leh 43-22-in a la vek a, chak zawkah a tang ta a ni.